Përshkrimi
VEGA Energy
, pjesë e VEGA Group
, është një nga kompanitë lider në Shqipëri në fushën e projektimit, zhvillimit dhe ndërtimit të parqeve fotovoltaike.
Në kuadër të zgjerimit të aktivitetit, Vega Energy kërkon një Inxhinier Topograf Junior për të mbështetur matjet, piketimin dhe kontrollet topografike gjatë ndërtimit të parqeve fotovoltaike. Puna do të kryhet nën drejtimin e inxhinierit topograf përgjegjës dhe në bashkëpunim me ekipin e kantierit.
Detyrat dhe përgjegjësitë:
- Asiston në kryerjen e matjeve topografike të terrenit dhe përpunimin e të dhënave për hartimin e planeve topografike.
- Mbështet vendosjen dhe kontrollin e pikave të referencës, koordinatave dhe kuotave në kantier.
- Asiston në piketimin e pozicioneve të pilotave, themeleve dhe strukturave mbajtëse të paneleve fotovoltaike, sipas projektit të miratuar.
- Kryen, nën mbikëqyrje, piketimin e rrugëve të brendshme, kanaleve të kabllove, sistemit të drenazhimit dhe vendndodhjeve të pajisjeve elektrike.
- Mbështet kontrollin e kuotave, pjerrësive dhe niveleve gjatë punimeve të sistemimit të terrenit dhe gërmimeve.
- Verifikon, nën mbikëqyrje, përputhjen e pozicioneve dhe kuotave të punimeve të realizuara me projektin dhe raporton devijimet e konstatuara.
- Përdor pajisjet topografike, si stacioni total, GPS/GNSS dhe nivela, sipas udhëzimeve të inxhinierit përgjegjës.
- Përpunon të dhënat e matjeve dhe asiston në përgatitjen e vizatimeve në AutoCAD/Civil 3D.
- Mbështet realizimin e matjeve përfundimtare dhe përgatitjen e dokumentacionit topografik të gjendjes së realizuar (as-built).
- Mban të organizuar regjistrat e matjeve, skedarët dhe raportet e punës.
- Bashkëpunon me drejtuesin e kantierit dhe ekipet e zbatimit për koordinimin e punimeve topografike.
- Kujdeset për përdorimin dhe ruajtjen e pajisjeve topografike dhe raporton çdo problem teknik.
- Respekton rregullat e sigurisë dhe shëndetit në punë gjatë aktiviteteve në kantier.
- Kryen detyra të tjera të ngarkuara nga eprori, në përputhje me pozicionin dhe nivelin e tij të përgjegjësisë.
Kualifikimet dhe aftësitë:
- Diplomë universitare në Inxhinieri Gjeodezike/Topografi ose fushë të ngjashme.
- Kandidat/e në fillim të karrierës profesionale; praktika ose përvoja në kantier përbën avantazh.
- Njohuri bazë në përdorimin e pajisjeve topografike dhe programit AutoCAD; njohja e Civil 3D përbën avantazh.
- Aftësi për të lexuar plane, koordinata dhe kuota.
- Saktësi, vëmendje ndaj detajeve dhe aftësi për të punuar në grup.
- Gatishmëri për punë në terren dhe lëvizje në kantieret e kompanisë.
- Preferohen kandidatët me vendbanim në Fier ose në zonat përreth, por kjo nuk përbën kusht të detyrueshëm.
Për të aplikuar për këtë pozicion, ju lutemi dërgoni CV-në tuaj në adresën rekrutime@vegagroup.al me subjekt “Inxhinier Topograf Junior” , ose klikoni në opsionin “Apply” për të dorëzuar aplikimin tuaj.
Vetëm kandidatët e përzgjedhur do të kontaktohen për intervistë pune.
*Çdo informacion që do të paraqesin kandidatet lidhur me shprehjen e interesit të tyre për sa më sipër, do të trajtohet me një nivel sigurie të standarteve më të larta për ruajtjen dhe përpunimin e këtyre të dhënave në përputhje të plote me parashikimet e ligjit nr. 9887 datë 10.03.2008 "Për Mbrojtjen e të Dhënave Personale" i ndryshuar dhe aktet nënligjore të nxjerra në zbatim të tij.
Kërkesat
Niveli: junior
Publikuar 23/10/2026 · Skadon 22/12/2026