Inxhinier Ndertimi

Bregu sh.a. kërkon të zgjerojë ekipin teknik me një Inxhinier Ndërtimi / Inxhinier Kantieri për projektin tonë në zhvillim në Palasë.

Kandidati do të jetë pjesë e ekipit të zbatimit dhe koordinimit teknik në kantier, duke ndjekur nga afër ecurinë e punimeve, cilësinë e zbatimit dhe përputhshmërinë me projektet teknike.

Përgjegjësitë kryesore:

Ndjekja ditore e punimeve në kantier dhe koordinimi me ekipet zbatuese;

Kontrolli i cilësisë së punimeve sipas projektit, specifikimeve teknike dhe standardeve të ndërtimit;

Leximi, interpretimi dhe zbatimi i projekteve arkitektonike, konstruktive dhe instalimeve;

Bashkëpunimi me projektuesit, supervizorët, topografët dhe kontraktorët;

Evidentimi i problematikave teknike dhe propozimi i zgjidhjeve në kohë;

Përgatitja e raporteve periodike mbi ecurinë e punimeve;

Kontrolli i volumeve, situacioneve dhe dokumentacionit teknik të kantierit;

Sigurimi që punimet të realizohen në përputhje me afatet, cilësinë dhe standardet e kërkuara.

Kërkesat për kandidatin:

Diplomë në Inxhinieri Ndërtimi ose fusha të ngjashme;

Eksperiencë e mëparshme në kantier ndërtimi, preferohet në projekte rezidenciale ose resortesh;

Aftësi shumë të mira në leximin e projekteve teknike;

Njohuri në AutoCAD dhe programe të tjera teknike përbëjnë avantazh;

Aftësi organizative, përgjegjshmëri dhe komunikim i mirë me ekipet në terren;

Gatishmëri për të punuar në projektin në Palasë;

Çfarë ofrojmë:

Mundësi për t’u bërë pjesë e një projekti cilësor në një nga zonat më të rëndësishme turistike në bregdet;

Ambient profesional dhe dinamik pune;

Bashkëpunim me ekipe teknike dhe profesionale;

Mundësi zhvillimi afatgjatë brenda kompanisë;

Paketë page konkurruese, në varësi të eksperiencës.

Të interesuarit mund të dërgojnë CV-në e tyre me mesazh në LinkedIn ose në email:
info@bregugroup.al