Posto punë

Ballina / Punët / Enterprise Resources Planning Specialist

Enterprise Resources Planning Specialist

Sigma-SB

Punë Shkup Maqedonia e Veriut Tjetër

Përshkrimi

Имплементатор на ЕРП софтвер

Во Сигма-СБ, веруваме и практично покажуваме како технологијата има моќ да го трансформира секој бизнис – и тоа го правиме од 1995 година наваму! Ние сме македонска ИТ компанија која не само што испорачува софтвер, туку и гради долгорочни партнерства со клиентите – како нивен стратешки партнер во растот и успехот, веќе 30 години. Нашата компанија е составена од тим на вешти и лојални луѓе, каде некои својата кариера ја започнале во компанијата и сеуште се дел и причината за нејзината успешна приказна. Сега компанијата се наоѓа пред следната етапа на својот еволутивен развој и раст и сме во потрага на следниот колега или колешка кои својата кариера ќе ја започнат и/или развиваат заедно со нас и во наредните 30 години.

Експанзијата на нашиот тим доаѓа како резултат од препознавањето на квалитетот на нашата работа од нашите постоечки и нови клиенти, преку продлабочување на соработката во нови проекти. Затоа бараме кандидатка/кандидат која/кој има искуство во имплементација на ЕРП решенија. Која/Кој е позитивна и ведра личност и сака да комуницира со клиенти на начин кој ќе им покаже вистинска грижа и разбирање за нив и нивните потреби.

Идеално би било да најдеме човек кој идентификува потенцијални точки за подобрување, кој размислува критично и практично дава предлози за решенија кога ќе се појават проблеми, кој може да се фокусира на најважната активност кога има многу работа едновремено, кој сака да учи кога не знае и кој мотивира кога останатите се обесхрабрени.

Доколку и ти гледаш предизвик во ИТ индустријата и имаш око за вистински вредности, ова е местото каде твојот следен чекор може да стане кариера со вистинско влијание. Ќе работиш директно со нашите клиенти, а истовремено ќе добиваш безрезервна поддршка од колешки и колеги кои имаат остри умови, брзо учат и прифаќаат нови идеи и искрено се грижат за доброто на сите вработени и клиенти во заедничката приказна, наречена Сигма-СБ!

Главните обврски и активности кои се очекуваат успешно да се исполнуваат од потенцијалните кандидати се:

· Анализа и документирање на потребите на корисниците

· Прибирање и документирање на јасни, концизни и недвосмислени функционални спецификации за софтвер

· Управување со промени на договорените барањата во однос на рок и содржина, за да се обезбеди договорените рокови да бидат навремено исполнети

· Tесна соработка со проект менаџери и програмери за да се обезбедат најдобри резултати.

· Извршување на проектни активности според дефинирани проектни задачи

· Дефинирање на задачи за останати членови на тимот

· Контрола (тестирање) на резултатот на доделените задачи

· Организирање и спроведување на обуки според кориснички потреби

· Подготовка на извештаи за статус на проект

Од потенцијалните кандидати очекуваме да поседуваат некои од следниве вештини:

  • Напредно познавање на деловни процеси во компании
  • Напредно познавање на економска терминологија која се користи во областа на компаниски менаџмент
  • Одлични аналитички вештини
  • Комуникациски вештини
  • Вештини за пишување
  • Вештина за работа на повеќе проекти и менаџирање на сопственото време
  • Основно ниво на информатичко знаење

Дополнително, од потенцијалните кандидати очекуваме да имаат општо познавање од следниве области:

  • Општ бизнис менаџмент
  • Финанскиски менаџмент
  • Управување со производство, трговија и залихи (магацини)
  • Управување со дистрибуција и големопродажба
  • Малопродажба
  • Човечки ресурси

Потенцијалните кандидати посакувано е да поседуваат некое од следново образование:

  • Бизнис администрација – општ менаџмент, финансиски менаџмент или
  • Економија – сметководство, е-бизнис, финасии или
  • Компјутерски науки – програмирање, администрација на бази на податоци, дизајн на софтвер

Како предност ќе се смета доколку потенцијалните кадидати имаат:

  • Солидно познавање на бази на податоци (MS SQL)
  • Искуство во имплеметација на ЕРП и WMS системи
  • Искуство со програмирање

Што може да очекувате од нас:

  • Соодветен и конкурентен компензациски пакет врз основа на искуството и потенцијалот на кандидатот и исполнување на плановите
  • Работа со тим од професионалци и индивидулаци, кои веруваат во интегритет, тимска работа и отворена комуникација
  • Работа со најнови технологии во индустријата
  • Можност за внатрешни и надворешни обуки за усовршување во областа
  • Пријатна работна атмосфера
  • Работното место е од дома, со флексибилно работно време, односно хибриден модел на работење од канцеларија и од дома и во зависност и потреба од проектот, работа на терен (кај клиент).

Burimi: https://mk.linkedin.com/jobs/view/enterprise-resources-planning-specialist-at-sigma-sb-4440449900

Kërkesat

Niveli: senior

Publikuar 21/07/2026 · Skadon 19/01/2027

Punë të ngjashme