Duke ngarkuar...

Business Development & Sales Specialist

Lea Business Consulting

/job-details/14342

Tirana, Tirana
full_time
Publikuar Sot
**PO KËRKOJMË | Business Development & Sales Specialist (Part time)**

LEA Business Consulting kërkon të bëhet pjesë e ekipit tonë një Specialist/e për Zhvillimin e Biznesit dhe Shitjet, me iniciativë, aftësi të mira komunikimi dhe orientim drejt rezultateve, për të kontribuar në zgjerimin e portofolit të klientëve dhe zhvillimin e marrëdhënieve të reja të biznesit.

Kandidati/ja ideal/e do të jetë përgjegjës/e për identifikimin e kompanive potenciale, kontaktimin e tyre, promovimin e shërbimeve të konsulencës, përgatitjen e ofertave tregtare dhe ndërtimin e marrëdhënieve afatgjata me klientët.

Përgjegjësitë kryesore

• Identifikimi dhe kërkimi i kompanive potenciale (B2B) në sektorë të ndryshëm të tregut.

• Krijimi, organizimi dhe përditësimi i databazës së klientëve potencialë dhe personave vendimmarrës.

• Kontaktimi i kompanive përmes email-it, telefonit, LinkedIn dhe kanaleve të tjera profesionale.

• Planifikimi dhe realizimi i fushatave të email marketing-ut për promovimin e shërbimeve të LEA Business Consulting.

• Prezantimi i portofolit të shërbimeve të kompanisë, duke përfshirë konsulencën në burime njerëzore, rekrutimin, payroll, konsulencën ligjore dhe financiare.

• Përgatitja, dërgimi dhe ndjekja e ofertave tregtare, në përputhje me nevojat e klientëve.

• Organizimi i takimeve me klientët potencialë dhe mbështetja e procesit të negocimit.

• Ndjekja e kontakteve dhe kthimi i mundësive të biznesit në bashkëpunime konkrete.

• Monitorimi i tregut dhe identifikimi i mundësive të reja për zhvillimin e biznesit.

• Regjistrimi dhe përditësimi i komunikimeve, aktiviteteve dhe mundësive të shitjes në CRM ose në sistemet përkatëse të ndjekjes.

• Përgatitja e raporteve periodike mbi kontaktet e realizuara, ofertat e dërguara dhe rezultatet e shitjeve.

**Kërkesat për pozicionin**

• Diplomë universitare në Administrim Biznesi, Marketing, Ekonomi ose fusha të ngjashme.

• Eksperiencë e mëparshme në shitje B2B, zhvillim biznesi, gjenerim klientësh potencialë ose pozicione të ngjashme përbën avantazh.

• Aftësi shumë të mira komunikimi, prezantimi dhe negocimi.

• Aftësi për hartimin e email-eve profesionale dhe përgatitjen e ofertave tregtare.

• Njohuri në përdorimin e mjeteve të email marketing-ut, LinkedIn, sistemeve CRM dhe Microsoft Office ose Google Workspace.

• Aftësi të mira organizative, iniciativë dhe orientim drejt rezultateve.

• Aftësi për të punuar në mënyrë të pavarur dhe për të menaxhuar disa procese njëkohësisht.

• Njohuri shumë të mira të gjuhës shqipe dhe njohuri të mira të gjuhës angleze.

**Çfarë ofrojmë?**

• Mundësinë për të kontribuar drejtpërdrejt në rritjen dhe zhvillimin e një kompanie konsulence.

• Mjedis pune dinamik dhe bashkëpunues.

• Mundësi për zhvillim profesional dhe zgjerim të aftësive në fushën e shitjeve dhe zhvillimit të biznesit.

• Objektiva të qarta pune dhe mundësi rritjeje në përputhje me zhvillimin e kompanisë.

**Kushtet e punës:**

Orari 08:00-12:00 ose 09:00-13:00

Fundjava pushim

Festat zyrtare pushim

**Si të aplikoni?**

Kandidatët e interesuar mund të dërgojnë CV-në në adresën hr@leaconsulting.al, me subjekt: Aplikim – Business Development & Sales Specialist.

📍 Vendndodhja: Tiranë, Shqipëri

\*Çdo informacion që do të paraqesin kandidatët lidhur me shprehjen e interesit të tyre për sa më sipër,do të trajtohet me një nivel sigurie të standarteve më të larta për ruajtjen dhe përpunimin e këtyre të dhënave në përputhje të plotë me parashikimet e ligjit nr.124/2024 "Për Mbrojtjen e të Dhënave Personale" i ndryshuar dhe aktet nënligjore të nxjerra në zbatim të tij.